Kërkesa për divorcin me të motrën e një Durrsaku, mund të kishte përfunduar në tragjedi.
Festim Hoxha ka goditur sot më thikë, kunatin e tij Spiro Toli i cili ndodhet nën kujdesin e mjekëve.
Gjithçka thuhet se ka nisur pasi disa ditë më parë Toli ka shkuar në banesën e Hoxhës në Sukth, ku ka lënë gruan e tij, për të cilën kishte pohuar se nuk e donte më dhe se donte të ndahej.
“Nuk e dua më. Do ndahem prej saj”, kaq mjaftoi që Festim Hoxha të ‘tërbohej’ dhe më pas të qëllonte me thikë kunatin e tij.
Ngjarja ka ndodhur rreth orës 12:00, në lagjen nr.15 Durrës.
Aktualisht autori i ngjarjes ndodhet në arrati, ndërsa policia i është vënë pas për ta arrestuar.
