Lideri i socialdemokratëve Martin Schulz tha para mbështetësve në Berlin se Eurozona ka nevojë për një buxhet të përbashkët për të rritur investimet dhe Gjermania duhet të jetë e përgatitur që të bëjë më shumë në Europë, ndoshta duke rritur kontributet financiare në bllok.
Gjatë fjalimit të tij ai akuzoi kancelaren Angela Merkel se nuk i ka treguar zgjedhësve se si do ta forcojë BE-në dhe si do të arrijë të plotësojë premtimin për punësim të plotë ndërsa vetë ai, parashtroi planin për rritjen e investimeve dhe kthimin e solidaritetit në Europë.
Schulz, shpreson të mundë Merkelin në zgjedhjet e 24 shtatorit, por socialdemokratët e tij të qendrës së majtë, duket se kanë humbur pak ritmin në sondazhe pas një starti të vrullshëm pas nominimit të tij në janar.
