Ish-deputetja Rudina Hajdari ka ironizuar premtimin e pazakontë të kryeministrit Edi Rama sot në Kuvend. “Do të dërgojmë dy satelitë në orbititë”, tha Rama, duke shkaktuar të qeshura nga radhët e opozitës, ndërsa në rrjet prej orësh ka shpërthyer humori.
Sakaq, në një postim në Facebook, Hajdari shkruan mes të tjerash se në një kohë kur s;ka siguruar ujin dhe shërbimet jetike për qytetarët, kryeministri premton satelitë dhe anije kozmike.
“Kur nuk ia del dot tu sigurosh qytetarëve të tu nevojat bazë, ujë të pijshëm 24 orë, drita 24 orë, minimumin jetik për ata që nuk ia dalin dot e paga e çmime të përballueshme, sigurish që do flasësh për satelitë e ëndrra me hënë e planete.
Ende nuk e shpie dot ujin nga kati i parë në katin e dytë ama nuk ja përton të premtosh satelitë e anije kozmike.
Bukur do ishte në fakt idea e satelitëve nëse brenda tyre futeni edhe ju që e keni marrë vendin peng e kështu shpëton Shqipëria,” shkruan Hajdari.
