Një zjarr i fuqishëm gjatë orëve të para të mëngjesit të sotëm në një servis ka djegur tre makina. Zjarri është regjistruar rreth orës 04:55, ndërsa në momentin që ka mbërritur zjarrfikësja, tre makina janë shkrumbuar.
Përveç makinave që janë djegur në fshatin Gjashtë në servisin e K.B., zjarri ka shkaktuar edhe shumë dëme të tjera materiale.
Dyshohet se zjarri mund të jetë shkaktuar për shkaqe elektrike në njërin mjet dhe më pas flakët e zjarrit janë përhapur edhe në dy mjetet e tjera. Grupi hetimor po punon për zbardhjen e plotë të shkaqeve të rënies së zjarrit.
