Konferenca për shtyp e kryeministrave të gjashtë vendeve të Ballkanit Perëndimor është ndërprerë, për shkak të disa mosmarrëveshjeve mes kryeministrit Serb, Aleksandar Vuçiç dhe kryeministrit Shqiptarë Edi Ramës.
Konferenca është ndërprerë kur pas kryeministrit të Bosnjës, si i zoti i shtëpise, dhe komisionerit Hahn, i ka ardhur radha kryeministri Vuçiç. Sapo është thirrur nga moderataroja për te marrë fjalën, serbi ka bërë me shenjë nga Edi Rama.
Ky gjest ka lënë të kuptohet se Vuçiç i ka hapur rrugën Ramës për të folur. Ky i fundit, nuk ka reaguar dhe pas kësaj, kryeministri serb është kthyer nga salla dhe ka thënë se mjafton me kaq dhe se nuk ka kuptim te flasin të gjithë. Pastaj ai ka lëvizur nga podiumi dhe kështu kanë bërë edhe mysafirët e tjerë duke shkaktuar acarimin e gazetarëve që prisnin prej më shumë se një ore.
Më pas gazetarë të pranishëm që kanë arritur të kapin diçka nga një shkembim fjalësh në anglisht mes kryeministrit serb e atij shqiptar, në korridorin që çonte për në sallën e konferencës së shtypit, kanë treguar se Vuçiç, ka thënë me zë të lartë, se ishte përgatitur të denonconte arrestimin e një militanti të partisë së tij në Kosovë. Ky i fundit, sipas shefit të qeverisë serbe, ishte arrestuar sepse kishte në makinë posterët e fushatës elektorale të partisë së kryministrit serb.
