Në përfundim të Samitit të Parisit kryeministri Edi Rama ka njoftuar se 5 vende të rajonit kanë mbështetur propozimin e Shqipërisë për të hequr taksat për shkëmbimet tregtare. Kreu i qeverisë nënvizoi gjithashtu se nga kancelarja gjermane dhe presidentit francez është garantuar se zgjerimi i unionit do të vazhdojë. Nga marrëveshja e firmosur në Paris, Shqipëria është përfituese direkte e 35 milionë euorve për rehabilitimin e hekururdhës Tiranë Durrës, si edhe i 1 mln eurove për ngritjen e Zyra Rajonale të Bashkëpunimit Rinor në kryequtetitn shqiptar.
Nga shtatori shkëmbimet tregtare mes 6 vendeve te Ballkanit, Shqipërisë, Bosnjë Hercegocninës, Kosovës, Malit të Zi, Maqedonisë dhe Kroacisë do të jenë të lira dhe të përjashtuara nga taksat.
Në Samitin e Parisit, këto shtete kanë mbështetur propozimin e kryeministrit Edi Rama i cili ka sugjeruar shtrirjen e praktikes që po zbaton Tirana me Prishtinën, për ti dhënë shtysë bashkëpunimit ekonomik, përmes tarifave zero.
Samiti i Parisit u zhvillua në një periudhë ku zhvillimet brenda BE janë dominuar nga largimi i Britanisë nga BE, çka ka shtuar pikëpytetjet mbi zgjerimin e unionit. Kryeministri tha se nga kancelarja gjermane Merkel dhe presidenti francez Hollond kishte marrë garanci se zgjerimi i BE nuk do të ndalet
Nga marrëveshja e firmosur në Paris, Shqipëria është përfituese direkte e 35 milionë euorve për rehabilitimin e hekururdhës Tiranë-Durrës, nga 85 milionë që është në total vlera e projektit.
Në Tiranë do të ngrihet gjithashtu Zyra Rajonale të Bashkëpunimit Rinor një nismë e kryeministrave të Shqipërisë dhe Serbisë, për funksionimin e të cilës BE dha 1 milionë euro ndërsa 1 mln të tjera do të jenë kontrobut i vendeve të rajonit.
Në samit u mbështetën edhe dy projektet e tjera qw kanë të bëjnë me modernizimin e hekurudhës Nish-Dimitrovgrad-kufiri me Bullgarinë, me një grant 44 milionë Euro, dhe projekti nga Kosova për rehabilitimin e Hekurudhës Fushë-Kosovë-Mitrovicë, që do mbështetet me një grant prej 17 milionë Eurosh.
