Mëngjesin e sotëm po mbahet në Tiranë, Samiti i Paqes për Europën Juglindore.
I pranishëm është dhe kryeministri i sapozgjedhur i Kosovës, Albin Kurti, ku e cilëson paqen, faktor kyç në bashkimin e vendeve të Ballkanit drejt idealeve të përbashkëta.
“Ndihem në Tiranë, si në Prishtinë. Ky është takim shumë i rëndësishëm sepse njerëzit bëhen bashkë për paqen e qëndrueshme. Bashkimi bën të lulëzojë mbarë shoqëria njerëzore. Rreziku më i madh i njerëzimit është ndarja, prandaj Samite të tilla që bëjnë njerëzit bashkë janë shumë të rendësishëm. Kështu ne ndajmë vlera të përbashkëta. Para 30 viteve ka rënë muri që na ndante në luftën ë3 ftohtë, por ende kemi mure të vegjël që nd ndajnë nga njëri tjetri. Kemi nevojë për paqe e cila është amanet i brezave që u sakrifikuan për të. Kosova dhe Shqipëria duan të antarësohen në NATO ,në BE Kemi vlera të përbashkëta. Përveç paqes ne duhet të luftojmë varfërin , padrejtësinë dhe pabarazinë. Në Kosovë nëse pyet pakicat , të gjithjë duan vende pune, duan drejtësi që të mos ketë as të përjashtuar as të privilegjuar. Ne fituam zgjedhjet, tani VV ka shumë sfida për të plotësuar. Të gjithë bashkë për Paqen e shumëkërkuar. BE dhe Ballkani janë shumë të rëndësishëm për njëri tjetrin”, u shpreh Kurti.
