Deputeti Ervin Salianji u shpreh në zgjedhjet e 6 marsit se Partia Demokratike ka humbur, pothuajse 50 % e elektoratit të saj nuk mori pjesë në votime, ndërsa për shkak të përçarjes së partisë u rrit Edi Rama.
I ftuar në emisionin “Zonë e Lirë” Salianji tha se kjo ishte një traumë për PD dhe demokratët. I pyetur se si do të mund të hiqet Lulzim Basha, Salianji u shpreh se nuk është thelbi i çështjes kjo.
“Ne do e detyrojmë Lulzim Bashën të largohet me fjalë, pasi politika, fjalën ka”.
Më tej, Salianji tha se në kohën kur PD ishte e përçarë nuk mund tja dal dot, në kohën kur Basha kishte siglën e PD-së dhe mbështetje ndërkombëtare, kishte kandidatët më të mirë, dhe nuk fitoi, atëherë kjo do të thotë se Lulzim Basha është një barrë për Partinë Demokratike.
“Basha nuk ngjall shpresë dhe as besim te elektorati, as te demokratët”, tha Salianji, duke shtuar se me 6 mars “50% e votuesve të opozitës nuk dolën të votojnë, as për PD dhe as për Shtëpinë e Lirisë”.
Së fundmi, ai ka kërkuar që Lulzim Basha duhet të japë dorëheqjen, se sipas tij, pengon në mënyrën e organizimit të partisë.
“Basha duhet të dorëhiqet, pvr ti hapur rrugën procesit të organizimit. Basha duhet të bëjë një hap pas, sikundër edhe Berisha duhet të bëjë një hap pas. Të gjithë palët duhet të pvrfshihen në këtë proces, por ky proces nuk mund të nisi pa dhënë Basha dorëheqjen”, përfundoi Salianji.
