Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Sa e duam historinë tonë?

Nga 27.al 0

Shkruan Fahri Xharra

Përderisa akademitë tona shqiptare janë kundër dhe e mohojnë historinë pellazge, serbët krijojnë literaturë po nga ajo histori, të cilën e përvetësojnë dhe ia paraqesin botës si të tyre.
Kemi nga ata që thonë se dihet e vërteta, por harrojnë që bota i beson të shkruarës e jo “pallavrave”, historisë gojore.

Ta shihni një libër të serbëve: “Perënditë e Olimpit nga Serbia”, një libër i financuar nga shteti dhe i recenzuar nga akademikët serbë.
Unë e lexova; serbët e njohin antikën tonë me mijëra herë më mirë se historianët tanë, por e keqja për ne është që ata e shkruajnë si të “para-ardhësve ” të tyre duke mohuar çdo trashëgimi shqiptare.

M’u duk shumë interesant që libri ishte botuar në vitin 1998. Ata ishin në atë kohë të angazhuar me luftën e Kosovës, por vjedhjen e historisë nuk e linin anash, sepse historia iu vyente për “tapi ” të tyre historike mbi Kosovën.

Shfletova me dhjeta portale serbe, ku diskutohej për këtë “histori të shkruar”, por të gjitha komentet ishin lavdërime, përkrahje dhe falënderime autorëve që munden ta shkruajnë këtë libër.

Jam shumë i brengosur me mentalitetin tonë të ngrysur, i cili prodhon vetëm urrejtje kundër vetvetes.

Njerëzit tanë me tituj bombastik ku janë ? Pse heshtin? Pse sulmojnë ? Pse nuk na e çelin rrugën neve vullnetarëve që po mundohemi me mish e me shpirt dhe pa fije ndihme financiare të shpalosim diçka me vlerë nga historia e jonë.

Nëse ne flemë, e ende nuk u ngimë me gjumë, serbët po e zënë vendin e tyre ne mesin e popujve “të lashtë ” të Europës.

Të kemi pak mëshirë, për t’iu siguruar brezave që vijnë një bazë të shëndoshë për ardhmërinë e tyre.

Populli pa histori mbetet gjithmonë skllav i të tjerëve.

Gjakovë – 19.10.19

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej