Në prag të Botërorit “Rusi 2018”, FIFA ka rekomanduar që stadiumet të kenë një kapacitet prej të paktën 45 mijë vendesh.
E për të kënaqur organin më të lartë futbollistik në botë, për stadiumin e Ekaterinburg, kapaciteti i të cilit është 18 mijë vende Rusia ka gjetur një zgjidhje që mund të thuhet e papërsëritshme për strukturën e saj.
Tribunat anësore janë çmontuar dhe pas tyre janë instaluar tribuna të jashtme shtesë, të cilat do të sigurojnë vende edhe për 18 mijë tifozë që do të duan të ndjekin ndeshjet që do luhen në këtë stadium.
Jetëgjatësia e kësaj zgjedhje nuk do të jetë shumë e madhe, pasi shtesat do të prishen menjëherë pas përfundimit të evenimentit më të rëndësishëm futbollistik.
