Kreu i grupit parlamentar të PS-së, Gramoz Ruçi kërkoi nga deputetët të jenë prezent në seancën parlamentare të së enjtes për të votuar ligjet e reformës në drejtësi.
Për t’u votuar në parlament janë dy kode të rëndësishme si Kodi i procedurës penale dhe kodi penal, për të cilët duhet një shumicë prej 84 votash.
Në mbledhjen e grupit parlamentar, Ruçi ka kërkuar që të sqarohen kundërshtitë dhe të gjendet gjuha e përbashkët për të kaluar këto ligje në parlament.
Pas mbledhjes, deputeti Taulant Balla u shpreh i sigurtë se këto ligje do të kalojnë ndërsa i bëri thirrje demokratëve të vijnë dhe t’i votojnë këto ligje
I pyetur për zgjedhjet e Kavajës, Balla tha se për Partinë Socialiste nuk diskutohet pjesëmarrja dhe nuk ka vend për shtyrje zgjedhjesh.
