Projektbuxheti për Ministrinë e Mbojtjes për vitin 2022 parashikon një rritje pagash me 30% për ushtarakët.
Mbrëmjen e sotme, Kryeministri Edi Rama ka deklaruar se ndonëse kjo është një rritje historike, vitin tjetër qeveria do të rrisë përsëri pagat e ushtarakeve.
Rama së bashku me Ministrin Niko Peleshi po prezantojnë mbrëmjen e sotme buxhetin për vitin 2022 për Ministrinë e Mbrojtes.
Ndër të tjera, Kryeministri Edi Rama ka premtuar se deri në fund të mandatit të qeverisë do bëhet e mundur që Shqipëria të jetë diku në mes të listës së vendeve të NATO-s sa i takon pagave për ushtarakët.
“Nuk është rrija e parë e pagave që bëjmë, pas një periudhe shumë të gjatë me forcat tona të armatosura që mbeten shumë mbrapa. Kur u takuam pas zjarreve në gusht, unë ju thashë do t’iu rrisim pagat dhe sot pagat janë të shkruara me 30% rritje në projektbuxhetin e vitit të ardhshëm. Sot po ju them se vitin tjetër do t’i rrisim përsëri pagat. Nuk ka asnjë arsye që forcat tona të jenë mbrapa nga shumë vende të aleancës. Nuk flasim për vendet e fuqishme, por për vende të tjera që janë më të forta ekonomikisht se ne, por ne në aspektin e forcave të armatosura nuk kemi përse të mos synojmë që do t’i arrijmë. Nuk kemi më ushtrinë më pak të paguar në NATO. Nuk jemi as në krye, sepse aty askush nuk besoj se do të arrijë ndonjëhere, as në mes por as të fundit. Brenda mandatit të tretë ne të jemi diku në mes. Besoj se mund ta arrijmë. Jam i bindur se së bashku mund ta arrijmë. Është rritja me e madhe ndonjëherë për një sektor. Është më e lartë se rritja 25% për policinë e shtetit para disa vitesh. Vjen si rezultat të asaj që ju keni dhënë dhe keni nderuar Shqiëprinë. E keni vendosur Shqipërinë në vështirësi”, tha Rama.
Rama e vijoi fjalën e tij me akademinë ushtarake që pritet të ndërtohet dhe që sipas tij do të jetë tepër cilësore.
Rama ne fund te fjales se tij premtoi se do te kete rritje cdo vit te pages se ushtrise, por jo me 30% si kete vit.
“Ushtria shqiptare të bëhet model. Tjetra ka të bëjë me bazën, në hyrjen e rrugës së karrierës ushtarake, ne nuk pretendojmë të jemi aty ku duhet të jemi, kur ka një bazë shumë larg në lartësinë e atyre që aplikojnë për të studiuar. Do të fillojmë që në 2022 një megaprojekt me faza, ku faza e parë do të garantojë gjithcka ne duhet të ofrojmë. Do të ndërtojmë një akademi cilësore ushtarake dhe të jetë pikë referimi dhe për të rinjtë e të rejat që duan të hyjnë si vend i Nato-s dhe kështu bëhet një akademi që shkëlqen. Pika tjetër është domosdoshmëria për të krijuar një forcë gatishmërie në atë hapësirë që bëhet gjithnjë e më kërcënuese, që është ajo virtuale, ku operohet me teknologji. Mos mendoni që është e lehtë për ne të dimë se cilat janë nevojat dhe të mos jemi në gjendje ti adresojmë njëherësh.Nuk do të ketë një vit që nuk do të rriten pagat tuaja. Natyrisht mos kërkoni 30% çdo vit, por mund të ndodhë të jetë edhe më shumë edhe më pak. Që ju mos keni vështirësi kur shkoni në misione jashtë dhe jeni me kolegë që bëjnë të njëjtën punë dhe që ju ndan një hendek goxha i madh pagash,” theksoi Rama.
(E.H/Faxweb.al)
