Pak muaj më parë Autoriteti i Konkurrencës mbylli hetimet për fabrikat e miellit, pas rritjes së çmimit të bukës në treg. AK nisi këto hetime pasi nga kontrollet paraprake rezultonte se fabrikat e miellit ndikonin në përcaktimin e çmimit të bukës. Por, për çudi të të gjithëve, AK mbylli hetimet pa asnjë përgjegjës dhe pa asnjë ndëshkim.
Në lidhje me këtë çështje kreu i AK, Denar Biba ka dalë përpara Komisionit të Ekonomisë ku po jep argumentet e tij se përse nuk u gjobitën fabrikat e miellit, edhe pse kishin rritur çmimin bllok. Sigurisht ai ka nisur të justifikohet duke thënë se rritja e çmimeve në bllok nuk është një provë që vërteton se ka një marrëveshje të fshehur, por mund të ketë ardhur edhe si pasojë e rrethanave objektive.
“Ne nuk rregullojmë çmimet, nga e gjithë doktrina apo jurisprodencë, nga përvoja e homologëve tanë është një institucion gati gjyqësor, që ndodh fenomeni dhe pastaj ka një vendimmarrje që mund të ta rregulloj situatën. Në 2020 përmes kërkimit të një subjekti ne nisëm një monitorim të tregut, pas monitorimit të tregut të importit të grurit dhe miellit, është vlerësuar nga Komisioni i Konkurrencës që hetimi paraprak ka disa premisa dhe meriton që tregu që të hetohet më gjerësisht, më pas në korrik të 2020 është mbledhur Komisioni, është përgatitur raporti, kujtojmë që ka qenë një periudhë pandemie dhe një pjesë e mbledhjeve bëhet në online dhe intensiteti i debateve nuk ka qenë ky që është sot.
Disa prej anëtare, unë një ndër ta, nuk krijuam bindje, kuptuam se diçka nuk shkonte, problematikat janë në atë treg, por në mungesë të një prove konkrete vetëm me një indicie që ishte çmimi, po pa analizë të kostos, si u arrit në këtë çmim, kostot e transportit janë të njëjta, duke qendruar de disa episode të ngjashme, jo të njëjta, por nuk kishte numri i operacione ishte 684, apo 600 mijë, apo 6 milion operacione, duke qenë se element të tillë nuk dilnin nga raporti, nuk e gjetëm disa nga ne, kishte problematike, por në respekt të materialit nuk mund të merrnim një vendim, jo të vendosnim gjobë ose jo. Kam kërkuar ose shtyrjen e mbledhjes ose shtyrjen e hetimit edhe me një 1 vit”, tha ai. Sigurisht, kjo deklaratë ka revoltuar anëtarët e opozitës, të cilët i quajnë këto argumente justifikime për të fshehur abuzimin dhe korrupsionin që bëjë vetë institucionet rregulluese
