Në Kosovë vijon të rritet numri i personave të infektuar me koronavirus. Deri tani raportohen 4 mijë e 931 persona të infektuar, ndërsa mbi 2 mijë prej tyre janë raste aktive.
Ministria e Shëndetësisë në Kosovë bën me dije se zonat që kanë më shumë raste aktive janë Prishtina, me rreth 1090 raste aktive me koronavirus, 393 të shëruar dhe 14 vdekje.
Pas Prishtinës komuna e Vushtrisë regjistron numrin më të lartë të infektuarave. Që nga fillimi i pandemisë e deri më tani komuna e Vushtrisë ka regjistruar 410 persona pozitiv me COVID-19, prej të cilëve 298 janë shëruar dhe 104 janë ende aktive.
Po ashtu një numër i lartë i rasteve aktive janë regjistruar në Prizren. 392 persona janë të infektuar, 217 persona janë shëruar dhe 17 kanë humbur jetën. Ndërsa 163 raste janë aktive.
