Pensionet kanë pësuar rritje në masën 1.6%, indeksimi është përllogaritur nga qeveria mbi bazën e çmimeve të shportës të mallrave. Në dy vitet, kjo është rritja me e madhe e pensionistëve pasi në 2015 pensionet u rritën me 1.3%.
Qeveria miratoi rritjen e pensioneve për 600. 000 pensionistë në bazë të indeksit të çmimeve. Pensionet për këtë vit rriten me 1.6% dhe ministri i Mirëqënies Sociale Blendi Klosi tha se se rritja është përllogaritur mbi bazën e çmimeve të shportës së posaçme të mallrave dhe shërbimeve për pensionistët.
Më herët, ministri Klosi, prezantoi 12 projektet e përzgjedhura të të rinjëve për të krijuar sipërmarrje sociale; që do të thotë bashkëpunim midis ministrisë së Mirëqënies Sociale dhe organizatave të ndyshme për të mbledhur fonde dhe për të krijuar sipërmarrje; që ka për qëllim ofrimin e kujdesit ndaj personave në nevojë.
