Një ngjarje e rëndë ka ndodhur në qytetin e Korçës, ku patrulla e policisë së qarkullimit ka dhunuar në mënyrë makabre një 61-vjecar në Korçë.
Burimet bëjnë me dije se 61 vjeçari i dhunuar është një shtetas i identifikuar si Albert Shkëmbi, banues në Korçë. Shkëmbi ka qenë pasagjer në një mjet që e ndaloi patrulla e policisë në rrugën Korçë-Maliq, në afërsi të Libonikut.
“Më dhunuan dy policët e patrullës. Më goditën me radio dhe grushta. Më thyen edhe krahun”, ka thënë 61 vjeçari.
Ndërkohë policia ka nisur një investigim për të zbuluar rrethanat e ngjarjes, referuar dhunimit të Shkëmbit.
Hetimi është nisur nga Shërbimi për Çështjet e Brendshme dhe Ankesat (SHÇBA), ndërsa 61-vjeçari i dhunuar, është proceduar për kundërshtim me dhunë të policisë.
