Një helikopter i ushtrisë është rrëzuar sot në mesditë në fshatin Grizhë në Shkodër. Konfirmohen si viktima Florian Deliaj, Donald Hoxha si dhe i plagosuri Gerald Muça. Shefi i Shtabit të Përgjithshëm të FA-së, jep detaje për ngjarjen.
Shefi i Shtabit të Përgjithshëm të FA-së Jeronim Bazo deklaratë për mediat
Shefi i Shtabit të Përgjithshëm të FA-së konfirmon rrëzimin e helikopterit të ushtrisë dhe emrat e dy pilotëve që humbën jetën. Në një konferencë për mediat, BJeronim Bazo sqaroi: Helikopteri i tipi Ec 145 është futur në përdorim të Forcave të Armatosura në nëntor të vitit të kaluar. Të dy helikopterët Ec 145 sapo janë marrë nga forcat tona të Armatosura dhe ishin brenda kësaj periudhe fluturimi. Itinerari i fluturimit të këtij helikopteri ishte brenda trajektores së miratuar gjatë një stërvitje fluturimi rutinë, ose siç e quajmë udhëtim për njohje, pasi ky helikopter ishte për qëllime kërkim-shpëtimi.
Të dy pilotët janë me një përvojë të lavdërueshme, të kënaqshme, të trajnuar gjerësisht brenda dhe jashtë vendit. Do t’ju kërkoja mirëkuptimin tuaj, pasi në të tilla raste kudo në botë kërkohet një kohë e domosdoshme maturie dhe saktësie profesionale për të hedhur dritën e duhur për incidentin në fjalë.
Ne do të ndajmë me publikun të gjitha informacionet. Është ende herët. Pritet të mblidhen të dhënat e duhura dhe maturia që duhet në këto raste. Për sa i përket kontrolleve, gjithçka është bërë brenda rregullave të fluturimit”, tha Jeronim Bazo.
Ministria e Mbrojtjes: Ora 13:45 kontakti i fundit me helikopterin
Ministria e Mbrojtjes ka dhënë detaje rreth rrëzimit të helikopteriti, për të cilin konfirmon se ishte strevitor. Sipas planit të fluturimit helikopteri EC 145, me numër bordi 637, me 3 ekuipazh në bord, kapiten Florian Deliaj, toger Donald Hoxha dhe ushtar profesionist Gerald Baramuca, janë nisur nga Farka sot në orën 12:10 në një fluturim stërvitor në përputhje me programin e planifikuar dhe miratuar më parë.
Në orën 13:45 ka qenë kontakti i fundit që helikopteri ka pasur me Qendrën e Kontrollit dhe Raportimit në Rinas. Pas humbjes së kontaktit, është nisur drejt zonës ku u humb kontakti një helikopter kërkim – shpëtimi. Ministri i Mbrojtjes dhe ministri i Shëndetësisë janë nisur drejt Spitalit Rajonal të Shkodrës ku ndodhet njëri prej pjesëtarëve të ekuipazhit, ushtar profesionist Gerald Baramuca.
15:05 Deri tani është identifikuar i plagosuri, i cili është Gerald Muça. Ai është dërguar në spitalin e Shkodrës dhe ndodhet në gjëndje kritike për jetën. Nuk ka ende një konfirmim zyrtar për numrin e perosnave që mund të kenë qënë në helicopter.
14: 40 Tre helikopterë të ushtrisë janë nisur nga Tirana drejt fshatit Grizhë atje ku është rrëzuar një helikopter i ushtrisë. Kryetari i Bashkisë së Malësisë së Madhe Helikopteri i ushtrisë kishte tre persona në bord është rrëzuar duke përfunduar në liqen. Deri tani flitet për dy të vdekur dhe një të plagosur.
14:30 Dyshohet për dy viktima, Helikopteri dyshohet të jetë i ministrisë së Mbrojtjes
Një helikopter është rrëzuar pak çaste më parë në fshatin Grizhë në Malësinë e Shkodrës. Nuk ka ende të dhëna të sakta për pasojat e këtij aksidenti. Medial lokale në Shkodër konfirmojnë kanë humbur jetën dy persona . Por lajmet janë kontradiktore ndërkohë që dyshohet se helikopteri i përket ministrisë së Mbrojtjes.
