Qytetarët vlonjatë por edhe ata qytetarë që kanë zgjedhur të pushojnë në jug të vendit tashmë nuk do të vuajnë mungesën e energjisë elektrike.
Drejtori i Divizionit të Shpërndarjes në OSHEE Petraq Lika deklaron se remontet në rrjet kanë përfunduar dhe nuk do të ketë më ndërpreje të planifikuara.
Petraq Lika: Nuk do të ketë ndërprerje të karakterit të planifikuar, të karakterit të paplanifikuar përsëri OSHEE ka ndërtuar strategjinë për të ulur kohën e ndërprerjes, numrin e ndërprerjeve. Unë mund të them se njërëzit janë ndërgjegjësuar, operatorët janë ndërgjegjësuar në këtë drejtim. Them që bashkashrisht do ta kalojmë shumë mirë këtë sezon veror.
Vonesa në këto remonte sipas drejtorit të OSHEE është ndikuar edhe nga proçedurat e prokurimeve.
Petraq Lika: Përsa i përket, sepse janë në proces procedura që zhvillohen, është vetë ligji që e kërkon të operohet mbi bazën e ligjit të prokurimeve dhe kjo ka problematikat e vetë të cilat OSHEE do të operojë kundrejt standardit ligjor.
Për të parandaluar ndërprejet e enegjisë elktrike gjatë verës sidomos në pjesën bregdetare OSHEE ka planifikuar një sërë masash.Në gatishmëri për çdo defekt do të jenë rreth 500 punonjës.
Petraq Lika: Çdo rajon ka shtabin e vetë i cili operon 24 orë duke menaxhuar terrenin dhe problemet e shumta. 500 punonjës që operojnë në kohë reale.
Ndërhyrjet e OSHEE në rrjet konsiderohen të domosdoshme për shkak se në rrjetin e Shpërndarjes ka munguar ndërhyrja që prej 40 viteve.
