Visjan Ukcenaj ka bërë një rrëfim prekës dhe emocionues, teksa u përlot, edhe pse gjithnjë me personazhet dhe batutat e tij na bën të qeshim.
I ftuar në “S’e luan topi”, aktori ka folur për familjen, marrëdhënien në çift dhe problemet që kanë kaluar duke përmendur kështu edhe periudhën më të vështirë në jetën e tij.
“Unë isha në periudhën më të vështirë në vitin 2018. Ne ikëm nga televizioni ku ishim atë vit. Jona ishte shtatzënë, erdhi një moment ku paguam qiranë dhe nuk kishim më asnjë lekë. Ka zgjatur disa javë. Kanë qenë shtatë javët më të vështira të jetës. Isha mësuar gjithmonë të punoj. Në atë periudhë kam shitur një kamera. E kam pasur shumë pasion fotografinë dhe kur shita atë, kam qarë shumë”, rrëfeu aktori.
I përlotur, aktori tregoi se lindja e djalit ishte një ogur i mirë për familjen e tij.
“Por, viti 2018 kur lindi djali, ishte viti kur filloi të lulëzonte ekonomia ime, fillova punën e re. Edhe ardhja ime në Top Channel erdhi në një moment të vështirë për mua. Kisha disa oferta, por unë zgjodha të isha në familjen e Top Channel”, shtoi ai.
Ai foli edhe për raportin e tij me vëllain, dhe sesi ka ndikuar largimi i tij nga Shqipëria.
“Vëllai nuk është se iku larg, në Gjermani, por iku shumë papritur. Ai ishte shumë mirë i pozicionuar këtu në punë, dhe u largua para 1 viti. E mbajta veten shumë kur ditën që u largua të mos qaja, por pasi ai iku qava shumë”, tregoi aktori.
The post Rrëfimi prekës i Visjan Ukcenajt: Ja momentet kur kam qarë… appeared first on 27.
