Në një postim në Facebook, deputeti socialist Rrahman Rraja rendit 5 pika ndër të cilat thotë se familja e tij dhe e vajzës kanë marrëdhënie miqësore të vjetra dhe të panadryshuara dhe se i ka kërkuar prokurorisë të hetojë çështjen deri në fund.
“Unë Rrahman Rraja, për shumë vite kryetar i komunës Nikel dhe sot deputet i PS, deklaroj:
1. S’kam marrë pjesë në asnjë lloj presioni mbi policinë dhe kam kërkuar dhe kërkoj të hetohet vendndodhja ime atë ditë.
2. Mos prisni nga unë që të bëhem prokurori i tim biri dhe mos keqpërdorni fjalët e mia si baba! Po e them shumë qartë që prokuroria duhet ta hetojë çështjen deri në fund.
3. Familja jonë dhe familja e vajzës kanë marrëdhenie të vjetra miqësore që janë të pandryshuara sot dhe gjithë jetën.
4. Djali dhe vajza kanë pasur një marrëdhënie disa vjeçare dhe pavarësisht asaj që mendoj unë, e përsëris, kjo çështje i takon drejtësisë, jo politikës.
