Gjysmëfinalja e parë mes Realit të Madridit dhe Atletico Madrid ka përfunduar me rezultatin e thellë 3-0.
Kjo fitore e “Los Blancos” mban e gjitha firmën e superyllit portugez, duke afruar kështu galaktikët me finalen e Kardifit. Goli i parë i CR7 erdhi në minutën e 10 të pjesës së parë, teksa shfrytëzoi një gjuajtje të gabuar të Casemiros, për të mposhtur portierin Oblak.
Ndërkohë, dy golat e tjerë u shënuan në 45-minutëshin e dytë, të dytin me kokë në minutën e 73-të dhe të tretin me një gjuajtje të fuqishme nga brenda zonës në minutën e 86, falë asistit të dhënë nga braziliani Lucas.
Të mërkurën e ardhshme do të zhvillohet edhe 90-minutëshi i kthimit në “Vicente Calderon”, por për Simeonen do të duhet të shpikë ndonjë formulë magjike, për të përmbysur këtë rezultat të thellë të “Bernabeut” dhe për të përsëritur finalen e një sezoni më parë.
https://www.youtube.com/watch?v=2blT0uCy4v4
