Dy ditë më parë Ronaldo zbarkoi më në fund në Torino. Në aeroportin e Caselle e pritën plot 6 makina furistrada “Jeep”, katër të bardha dhe dytë të zeza. Po ashtu ishte edhe menaxheri i sigurisë së Juventus Alessandro D’Angelo.
Avioni privat i Cristiano Ronaldo mbërriti rreth orës 19.30 në terminalin privat të aeroportit të Caselle Torinese. Ai shoqërohej nga partnerja e tij, Giorgina dhe katër fëmijët e tij. Po si do të jetë shtëpia ku do të qëndrojë ylli portugez?
Mediat italiane kanë publikuar foto të vilës së mrekullueshme ku do të jetojë Ronaldo. Ajo ndodhet në Gran Madre, në një nga vendet simbolike të Torinos, në një kodër e gjitha e “zhytur” në jeshillëk. Brenda saj ka gjithcka që i duhet futbollistit të njohur përfshirë një pushinë, palestër etj.
