Cristiano Ronaldo i ka thënë “mirupafshim” Realit të Madridit, nëpërmjet një letre të postuar në faqen zyrtare të klubit merengues. Ai shprehet se këto nëntë vite te madrilenët kanë qenë më të lumturit në jetë, por tani i duhej një fazë e re në karriere.
“Këto vite tek Reali i Madridit dhe në këtë qytet, ishin ndoshta më të lumturat të jetës sime. Kam vetëm vlerësim maksimal për këtë klub dhe për këtë qytet. Ju falenderoj të gjithëve për dashurinë dhe afeksionin që kam marrë. Sidoqoftë, mendoj se është koha të çel një fazë të re në jetën time, prandaj i kërkova klubit të pranojë largimin tim. I kërkoj të gjithëve, në veçanti tifozëve të më kuptojnë. Ata kanë qenë të mrekullueshëm për nëntë vite. Kanë qenë nëntë vjet unikë. Ishte një moment emocional për mua, plot me konsideratë, por edhe të vështirë, sepse Reali i Madridit është një klub shumë kërkues…”, shkruan Ronaldo.
