Juventus ka mundur 1-0 Roma-n në shtëpi dhe ka ruajtur hapin e Napoli-t, që vazhdon të jetë vetëm 1 pikë larg. Kjo ka qenë fitorja e tetë radhazi e “Zonjës” në tetë ndeshjet e fundit të luajtura në shtëpi kundër verdhekuqve në të gjitha kompeticionet. Skuadra e Di Frabncesco-s, që ka pësuar humbjen e parë në nëntë ndeshjet e fundit të Serisë A, mbetet në vendin e katërt me 38 pikë, por me një ndeshje për të rikuperuar.
Goli që ka vendosur ndeshjen ka ardhur në minutën e 18-të dhe është realizuar nga ish-mbrojtësi i Roma-s, Mehdi Benatia, i cili ka mposhtur portierin Alisson me një goditje të fortë nga brenda zonës së rreptësisë. Roma ka provuar të reagojë me Stephan El Shaarawy, por gjuajtja e “Faraonit” është ndalur pa shumë probleme nga portieri Szczesny.
Në pjesën e dytë, vendasit kanë pasur shansin të mbyllin ndeshjen me Gonzalo Higuain, por goditja e tij ka shkuar pak sipër traversës. Të njëjtin fat ka patur edhe gjuajtja e bërë nga kroati Mario Mandzukic në minutën e 68-të. Verdhekuqtë, nga ana tjetër, kanë shkuar shumë afër golit të barazimit me Edin Dzeko, i cili ka marrë një pasim shumë të mirë në zonën e rreptësisë, por nuk ka arritur ta shfrytëzojë në mënyrën e duhur, duke dërguar topin jashtë.
Një rast tjetër i pastër për miqtë ka ardhur dhjetë minuta para fundit, por Florenzi nuk ka arritur të përfitojë nga një pakujdesi (e rrallë) e mbrojtjes bardhezi, teksa goditja e tij fluturimthi është ndalur nga traversa. Verdhekuqtë kanë dominuar minutat e fundit, duke shpërdoruar dy mundësi të tjera me Under, i cili është ndalur nga një pritje e shkëlqyer e Sczezesny, dhe me Schick, i cili ka dërgaur topin jashtë pasi ka dalë i vetëm përballë portierit bardhezi. Fati i ka buzëqeshur “Zonjës” që ka falënderuar dhe ka marrë 3 pikë shumë të rëndësishme.
#SarriFootball pic.twitter.com/YcNxRGUf6V
— Serie A News (@TransfersCalcio) August 1, 2017
mhttp://telesport.al/roma-e-fal-ne-fund-juventus-e-ndeshkon-golin-e-ish/
