Anëtari i Këshillit Kombëtar të Partisë Demokratike, Roland Bejko, ka deklaruar ditën e sotme se kryedemokrati Sali Berisha nuk mund të zgjedhë Kryetarin e Grupit Parlamentar. Në një intervistë për “Euronews Albania”, Bejko shpjegoi arsyet se përse kjo nuk mund të ndodhë. Sipas ligji thotë që kreun e grupit parlamentar e zgjedhin deputetët dhe jo partia, aq më pak kreu i partisë
“Jo, e ka të pamundur sepse e përcakton neni 16 i rregullores së Kuvendit i cili thotë që deputetët zgjedhin Kryesinë e grupit, ku bën pjesë kryetari i grupit, nënkryetari, sekretarët dhe pjesa tjetër e Kryesisë së grupit. Nuk ka fare të drejtë partia të zgjedhë Kryetarin e Grupit Parlamentar. Partia Demokratike është e ndarë. Grupi Parlamentar është e ndarë në tre pjesë. PD është përçarë sepse Berisha e mori partinë forcërisht”, theksoi ai.
Pas zgjedhjes së Berishës së kryetar i PD-së, kjo forcë politike organizoi zgjedhje për zgjedhjen Kryetarit të Grupit Parlementar, në të cilën u zgjodh Luçiano Boçi. Por ende deputeti Enkelejd Alibeaj figuron zyrtarisht si kryetar i grupit.
