Sekretari i përgjithshëm i PD, Arben Ristani akuzoi kryeministrin Rama se, një ditë më parë, me “zhargonin e tij ordiner fyeu punonjësit e administratës duke i quajtur të paaftë”.
Më tej Ristani shprehet se “Edi Rama ofendoi një pjesë të mirë të atyre punonjësve që megjithëse u mashtruan, tradhëtuan dhe u braktisën për 3 vjet nga Rama, vazhduan pa e ndalur punën e tyre”.
Sekretari i përgjithshëm i PD shprehet se “në mendësinë e kryeministrit për shtetin punonjësi i administratës s’duhet të jetë specialist i zoti e me përvojë dhe as njeri që punon shumë”.
Nëse nuk ke trafikuar femra, nuk je marrë me prostitucion, me trafik droge, nuk je dënuar për korrupsion, falsifikim dokumentesh, kërcënime, rrëmbim fëmijesh, atëherë ti nuk je i aftë për të punuar në administratë. Vetëm ata që kanë një CV kaq të pasur e meritojnë të jenë në administratë, në polici dhe në Parlament, sipas Edi Ramës”, ka thënë Ristani.
