Ish-kryeministri Sali Berisha ka reaguar pas vendimit të parlamentit holandez për rikthimin e regjimit të vizave me Shqipërinë.
“Shqipëria bëhet vendi i parë në Europë dhe në botë, për të cilin një vend anëtar i BE voton për rivendosjen e vizave për zonen e Shengenit”, shkruan ish kryeministri.
Postimi i plotë:
Kjo është dhurata e Edvin Kristaq Krimit për shqiptarët!
Parlamenti i Mbretërisë së Hollandës votoi sot me 2/3 e votave për kthim të vizave për shqiptarët.
Miq, Shqipëria bëhet vendi i parë në Europë dhe në botë, për të cilin një vend anëtar i BE voton për rivendosjen e vizave për zonën e Shengenit. Kjo është dhurata e Edvin Kristaq Drogës dhe narkoshtetit të tij që nxijnë çdo ditë emrin e Shqipërise si eksportues i madh i krimit dhe drogës në Europë.
Ky vendim dëshmon se jo negociatat që nuk do hapen por po ecet drejt rikthimit të vizave për shqiptarët dhe është një apel për çdo qytetar të këtij vendi të marrim fatin në duart tona dhe të shporrim një minutë e më parë kalbësirën e narkoshtetit dhe kreun e tij Edvinin. sb
