Në termocentralin bërthamor të Çernobilit është rikthyer furnizimi me energji elektrike. Kjo u bë e ditur nga ministri i Energjetikës së Ukrainës, Herman Galushchenko.
“Sot falë përpjekjeve të jashtëzakonshme të specialistëve të Ukrenergo, u arrit të rivendosej energjia në centralin bërthamor të Çernobilit, i cili u kap nga pushtuesit rusë”, deklaroi ai.
Gjithashtu, ai i bëri thirrje ndërkombëtarëve të ndërhyjnë për të mbajtur larg Rusinë nga centralet bërthamore.
“U bëj thirrje edhe një herë partnerëve tanë ndërkombëtarë, Komisionit Evropian, IAEA, OKB, OSBE: na ndihmoni të mbrojmë objektet bërthamore! Armiku duhet të largohet nga termocentrali bërthamor i Ukrainës”, thuhet në deklaratë.
