Një ngjarje e rëndë raportohet të ketë ndodhur në Greqi, ku një 22-vjeçar pretendon se është përdhunuar nga një transgjinor me të cilin kishte lënë takim, pasi ky i fundit i ishte paraqitur si grua.
Lajmin e kanë bërë të ditur mediat greke, sipas të cilave ngjarja ka ndodhur më 29 janar, ku i riu nga zona e Salamis rezervoi një takim përmes një faqeje interneti, me transgjinorin që ishte paraqitur si femër, por përfundoi pre e abuzimit të tij.
I riu ka shkuar në banesën në katin e 3-të të rrugës Strogonov në Neo Kosmos, ku është pritur nga “gruaja” me të cilën kishte lënë takimin.
Pak më vonë, kur kanë shkuar në dhomën e gjumit dhe janë zhveshur, 22-vjeçari ka marrë tronditjen e parë. Personi që i ishte paraqitur si femër, ka zbuluar se ai ishte transvestit dhe madje ka nisur të tregohet agresiv ndaj tij kur ka parë që 22-vjeçari ka mbetur i shtangur.
I riu, siç ka dëshmuar në Polici, i ka thënë se nuk dëshironte të vazhdonte me aktin seksual, por sipas tij, transgjinori i vërsulet, e imobilizon dhe e përdhunon.
Viktima iu lut që ta linte, por ai e injoroi dhe vijoi ta përdhunonte deri në momentin që vendosi vetë ta lëshonte.
Të nesërmen, viktima ka shkuar në komisariatin e Akropolit dhe ka denoncuar të gjitha gjërat e tmerrshme që kishte përjetuar në takim, ndërkohë që u dha urdhër për t’u kontrolluar nga mjekët specialistë.
Ndërkohë ngjarja po hetohet nga oficerët e policisë së Akropolit dhe Departamenti i Sigurisë.
