Reshjet e shiut kanë shkaktuar problematika në disa akse rrugore. Nga mesnata e djeshme, prurjet e përrenjve malorë në qarkun Dibër kanë nxjerrë inerte dhe gurë në rrugë, duke vështirësuar qarkullim e mjeteve.
Masivët e gurëve dhe dherave në rrugë mund të bëhen burim aksidentesh.
Në orët e mesditës qyteti i Peshkopisë është përfshirë nga një stuhi bore, me intensitet të lartë.
Nga reshjet e borës nuk ka probleme në qytet por në zonat e thella trashësia shkon në 15 cm, duke krijuar probleme në qarkullimin e mjeteve dhe duke bërë të detyrueshëm përdorimin e zinxhirëve në zonat mbi 1000 metra mbi nivelin e detit.
Edhe rrugët e qytetit të Peshkopisë u mbuluan nga uji që vinte nga prurjet anësore të përrenjve, ku për shkak të intensitetit nuk e përballonin kanalet anësore.
