Reshjet e shumta të shiut që kanë përfshirë vendin këtë të mërkurë kanë bërë që probleme të shfaqen edhe në Librazhd. Në pamjet e siguruara nga ABC News mund të shihet se si pasojë e reshjeve, rrugët janë kthyer në “përrenj” me ujë.
Kritike situata duket në unazë ku janë bllokuar makinat. Mësohet së është kërkuar ndërhyrje për shpëtimin e njerëzve që ndodhen në automjete.
Po ashtu, si pasojë e situatës së krijuar, u bllokua qarkullimi në Murrash-Semëz-Librazhd.
Kujtojmë këtu se për shkak të reshjeve, përmbytje ka pasur edhe në qytetin e Beratit. Aty reshjet kanë zgjatur për rreth një orë duke sjellë përmbytje në të gjitha akset rrugore. /abcnews.al/
