Elona Caslli, nga të paktët zëra kundër aktivitetit kriminal të qeverisë dhe Rilindjes është shoqëruar sot në polici, sepse refuzon masat absurde të qeverisë, të cilat nuk kanë për qëllim të parandalojnë infektimet, por të ushtrojnë dhunë ndaj qytetarëve, të cilët dëshirojnë vetëm të shprehen dhe ta shprehin qëndrimin e tyre të lirë.
Inati i qeverisë me Elona Casllin nuk ka lidhje me refuzimin e saj për të mbajtur maskën e kësaj maskarade, por sepse ajo ishte një nga zërat më të fortë kundër prishjes së Teatrit Kombëtar dhe është një denoncuese e rregullt e “bëmave” të Rilindjes. Me një fjalë, ajo është kundërshtare politike e klikës dhe regjimit në pushtet, ndaj duhet plasur në burg.
Sot, qeveria gjobiti 619 persona për mosvendosje të maskës, ndërsa mbajtja e saj rezulton krejt e kotë, përderisa në 24 orët e fundit pati 7 të vdekur dhe mbi 400 raste të infektuarish.
