“Krejt ndryshe nga të gjithë të tjerët. Kishe një axhendën krejt personale. Ndryshe nga të tjerët, ti kishe laps dhe bllok, kishe aparat fotografik dhe çantë. Kishe sandale dhe çizme. Sa nga Libohova në Mirditë, nga Kurveleshi në Skrapar, nga Sokaku i të Marrëve në Arkivin e Shtetit, nga Vjosa në Drin, nga Korabi në Biblioteken Kombëtare.”
Kështu shkruan Engjëll Serjani, kolegu dhe miku i gazetarit Fatos Baxhaku i cili u nda sot në mënyrë të parakohshme nga jeta, ndërsa sjellë në vëmendje dhe disa momente të punës së tij.
Fotot e mëposhtme të vëna ekskluzivisht në dispozicion nga Engjëll Serjani tregojnë se Fatos Baxhaku ishte dhe do të mbetet një model i pazëvendësueshëm i gazetarisë me reportazhet dhe shkrimet nga çdo cep i Shqipërisë.
