Forcat RENEA dhe Forcat e Ndërhyrjes së Shpejtë kanë zhvilluar mëngjesin e sotëm një superaksion në qytetin e Elbasanit, ku janë kryer dhe disa shoqërime në mesin e anëtarëve të fisit Çapja.
Një prej të shoqëuarve është dhe Ardjan Çapja, ndaj të cilit janë kryer më herët dhe disa atentate.
Capja është person me precendentë pasi dyshohet se ka sulmuar policinë, që e vëzhgonte disa vite më parë. Asokohe ai do të arrestohej bashkë me Florenc Çapjen dhe Bledar Muçën, por më pas është lënë i lirë.
Burime jozyrtare bëjnë me dije se ky aksion lidhet me një ngjarje të ndodhur pak ditë më parë në godinën e Bashkisë së Elbasanit, ku një person u pikas duke kryer veprime të dyshimta. Ai nuk iu bind urdhërave të policisë, të cilët u detyruan që të qëllonin më pas në ajër.
