Numri i personave të infektuar nga Koronavirusi në Itali ka shkuar në 2.263 ndërsa janë regjistruar 79 të vdekur. Mediat italiane raportojnë se 160 persona janë shëruar.
Viktimat janë 55 në Lombardi, 18 në Emilia Romagna, 3 në Veneto, 2 në Marche dhe një në Liguria. Ata janë kryesisht persona mbi 70 vjeç, disa me patologji të mëparshme.
Autoritetet njoftojnë se janë një mijë persona në izolim në shtëpi, 1034 të shtruar në spital me simptoma dhe 229 në kujdesin intensiv.
Qeveria po punon për një dekret të dytë. Masat e reja do të përfshijnë të gjithë vendin dhe jo vetëm zonat e prekura.
