Rritet me 10 raste të reja numri i të prekurve nga koronavirusi në Shqipëri. Deri më tani kemi 33 raste të konfirmuara,ndërsa një person ka vdekur.
Ditën e sotme nga të dhënat e Institutit të Shëndetit Publik në hartën e zonave të prekura ka hyrë edhe Fieri me katër raste njëherësh ndërsa në Tiranë numri i personave të prekur me Covid-19 ka shkuar në 19 raste.
Njoftimi i plotë i ministrisë së Shëndetësisë
Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për gjurmimin e kontakteve të rasteve të konfirmuara tashmë me Covid-19, për të cilët ju kemi informuar në daljet e mëparshme.
Në 24 orët e fundit janë realizuar edhe 159 testime të reja dhe kjo e çon numrin total të testimeve të kryera në 457. Deri në këto momente janë konfirmuar pozitivë me COVID-19, 33 raste, nga të cilat:
8 prej të cilëve janë të shtruar në spitalin Infektiv (nga Tirana, Durrësi, Fieri dhe Rrogozhina)
25 raste janë të vetëizoluar në gjendje të mirë shëndetësore në shtëpi.
Nga rastet e konfirmuara pozitivë:
Tiranë 19 raste
Durrës 5 raste (njëri prej të cilëve ka ndërruar jetë)
Lushnje 1 rast
Elbasan 2 raste
Fier 4 raste
Rrogozhinë 2 raste.
