Shqipëria dhe Kosova shfaqen në rënie në renditjen botërore të FIFA-s për muajin tetor. Pas dy barazimeve zhgënjyese në Kazakistan dhe Lituani, Kombëtarja kuqezi ka humbur tri pozicione, duke u klasifikuar tashmë në vendin e 69-të.
Dy humbjet me Maqedoninë e Veriut dhe Slloveninë kanë bërë që edhe përfaqësuesja e Kosovës të zbresë në vendin e 117-të, edhe pse barazimi në Greqi i ka ndihmuar “Dardanët” që të mos humbasin më tepër se një pozicion.
Për sa i përket pozicioneve të para në renditje, Belgjika vazhdon të kryesojë, e ndjekur nga Franca në vendin e dytë dhe Brazili në vendin e tretë.
