Konservatori Edvin Kulluri ka akuzuar kryeministrin dhe ministrin e Brendshëm për rekrutimin e Forcave të Armatosura në Policinë e Shtetit.
Përmes një postimi në facebook, Kulluri shkruan se ky akt është tërësisht i dyshimtë dhe i papranueshëm, megjithëse nuk është hera e parë që ndodh në qeverinë e Rilindjes!
Postimi i plotë:
Kryeministri dhe Ministri i Brendshëm duhet të japin shpjegime urgjente për VKM dhe Urdhërin e Ministrit për rekrutimin e pjesëtarëve aktiv të Forcave të Armatosura në Policinë e Shtetit! Cila është nevoja e Policisë së Shtetit për këtë akt?! Çfarë qëllimi dhe objektivash kanë këto dy akte?! Çfare misioni mund të kryejnë ushtarakët aktive në përmirësimin e rendit publik, luftën kundër krimit dhe hetimit të akteve kriminale?! Ushtarakët janë të shkolluar, trajnuar dhe kanë eksperiencë në veprime të lidhura terësisht me veprimet luftarake dhe emergjencat civile, apo dhe misione të tjera që nuk kanë të bëjnë me rendin publik dhe krimin e organizuar! Kjo cënon në mënyrë të drejtëpërdrejtë depolitizim e Forcave të Armatosura ç’ka është e sanksionuar qartë në Ligjin për Forcat e Armatosura dhe atë për Statusin e Ushtarakut! Në mungesë të opozitës në parlament dhe sidomos të Gjykatës Kushtetuese, ky akt është tërësisht i dyshimtë dhe i papranueshëm, megjithëse nuk është hera e parë që ndodh në qeverinë e Rilindjes! Mjafton të kujtojmë përdorimin e FA për pastrimin e plehrave dhe angazhimin e helikopterëve në misione policore pa asnjë VKM apo marrëveshje të posacme mes dy ministrive! Ushtria kryen misione civile vetëm në situata të emergjencave civile dhe në asnjë rast tjetër. Ky është një akt i papranueshëm dhe me qëllime me së paku të dyshimta.
