Me cilën shumicë të cilësuar do zgjidhen anëtarët e institucioneve?
Të hënën partitë kryesore politike do marrin në shqyrtim rekomandimet finale të Komisionit të Venecias për reformën në drejtësi. Në mbledhjen e komisionit të posaçëm parlamentar për reformën në drejtësi pritet të vendoset nëse palët do të përfshihen në dialog politik për të arritur consensus apo do të autorizojnë ekspertët për t’i përkthyer në amendamente rekomandimet e Venecias. Sic edhe është e bërë e njohur nga debatet e zhvilluara deri më tani pika më e nxehtë që mban të ndara palët është shumica e cilësuar që do të përdoret në Parlament për të zgjedhur rreth 30 anëtarë të institucioneve të reja në gjyqësor dhe në prokurori.
Nga këta do të dalin pothuajse të gjithë anëtarët e Këshillit të Emërimeve në Drejtësi, një strukturë kyçe me rol vendimmarrës për njerëzit që do të drejtojnë qeverisjen e sistemit të drejtësisë në Shqipëri.
