Trajneri Odo i Peskarës deklaroi pas transfertës së Xhenoas, që përfundoi 1-1, se do të ishte mëkat nëse skuadra e tij do të kishte humbur. Por sidoqoftë, për të arritur këtë pikë kaq të rëndësishme mendoi Rei Manaj, në të 86’. Futbollisti i përfaqësueses tonë u dërgua në fushë në vend të Memushajt dhe në të 86’ u gjend në vendin e duhur dhe pas asistit të Zampanos e devijoi topin për në rrjetë, duke shënuar golin e tij të dytë me uniformën e Peskarës, madje në të njëjtën mënyrë.
Ndeshja u shoqërua me shumë polemika, pasi arbitri i tregoi kartonin e kuq dy futbollistëve vendas, fillimisht për Edenilsion, në të 74’ dhe pas vetëm 5 minutash edhe për Goran Pandev. Për konçidencë, golat e takimit u shënuan nga dy futbollistë të rinj në moshë, fillimisht për Xhenoan një 21 vjeçar, Simeone, djali i Diego Simeones dhe në fund ndeshja u barazua nga Manaj, 19 vjeç.
