Regjisori i njohur, Robert Budina, anëtar i Aleancës për Mbrojtjen e Teatrit, i ka renditur ambasadorit të Bashkimit Evropian në Tiranë, Luigi Soreca, arsyet pse artistët janë në të drejtën e tyre për të mbrojtur Teatrin.
Budina i është drejtuar ambasadorit, duke i thënë se qeveria duhet të respektojë artistët dhe të mos i sulmojë brenda teatrit.
Kujtojmë se sot paradite, ambasdori doli në një konferencë tha se në lidhje me çështjen e Teatrit Kombëtar, nuk ndërhynte në projektet e qeverisë, por shtoi se gara për tenderin duhet të jetë e lirë dhe e ndershme.
Replika e plotë e Budinës me ambasadorin Soreca:
Nuk jam dakord me ju. Nuk është e politizuar situata.
E dyta, qeveria duhet të respektojë artistët, të presë.
E treta, të mos i sulmojë brenda Teatrit Kombëtar.
E katërta, me ju kemi kërkuar një takim dhe duhet të takohemi sepse situata është shumë kritike.
E pesta, minimumi që mund të bëjë qeveria, përpara se të fillojë tenderin, i cili është i paligjshëm, duhet të presë vendimin e Gjykatës Kushtetuese, sepse kemi gjysmën e popullit që nuk është i përfaqësuar.
E gjashta, ne kemi filluar aktivitetin në Teatrin Kombëtar, po bëjmë rikonjicionin, informacionet e qeverisë nuk janë të sakta. Teatri nuik rrezikon dhe ne kemi hapur festivalin për mbrojtjen e Teatrit ku do të vijnë artistë nga e gjithë bota, përfshirë edhe z.Placido që na mbështet.
Nuk doja që të hapja asnjë polemikë, doja thjesht të komunikoja.
Ne do t’i zgjidhim me maturi, ashtu si 1 vit e gjysëm ne kemi bërë vetëm protestë paqësore dhe jemi investuar tre orë në ditë për të fituar demokracinë në Shqipëri, të cilën do ta realizojmë.
