Dy ditë para miratimit në Kuvend, janë bërë të ditur disa nga emrat e anëtarëve të Komisioneve nga radha e Partisë Demokratike për reformën Territoriale dhe Zgjedhore. Panorama.al ka zbardhur disa prej tyre, ndërkohë që skuadra përfundimtare ende nuk është caktuar.
Kreu i Partisë Demokratike, Lulzim Basha, ka caktuar drejtues politik të Reformës Territoriale Gazment Bardhin, ndërsa drejtues teknik, Roland Bejkon. Po ashtu, është mësuar se anëtare do të jetë deputetja Dhurata Çupi, ndërsa në diskutim janë Bledion Nallbatin e Greta Bardhelin.
Ditën e enjte, në orën 10:00 pritet që parlamenti të miratojë përbërjen e dy komisioneve të posaçme, atë të Reformës Zgjedhore dhe të Reformës Territoriale. Kreu i Grupit Parlamentar i Partisë Socialiste, Taulant Balla deklaroi ditën e djeshme se në seancën e së enjtes, dhe PS do të votojë anëtarët e komisioneve.
