Kryetari i PD-së Sali Berisha doli sot me një deklaratë për shtyp për qytetarët, ku foli edhe për reformën territoriale. Sipas tij, kryeministri Rama ka dëmtuar rënë përfaqësimin e qytetarëve.
Në fjalën e tij, kreu i opozitës gjithashtu tha se kryeministri Rama e përdori reformën për parime të kundërta që e favorizojnë të dhe jo qytetarët.
“E vërteta është se Edi Rama është armik i demokratëve dhe gjithë qytetarëve pa parti që besojnë në rregullat e demokracisë. Edi Rama e ka nisur që në fillim, e nisi me Reformën Territoriale me të cilën dëmtoi rëndë përfaqësimin e qytetarëve. Transformimet që u bënë në infrastrukturë dhe ndryshimet demografike e bënin të domosdoshme reformën por ai e përdori për parime të kundërta. Ai përdori centralizimin e këtij procesi dhe sot në Fier ke fshatra që nuk përfaqësohen nga asnjë këshilltar, i zëvendësoj me militantë që nuk ju japin ju llogari por vetëm atij që i emëron. Alfa e demokracisë fillon me votën dhe përfaqësimin, përfaqësimin dhe votën dhe ky i shkatërroi me reformën e qeverisjes vendore”, tha Berisha.
Ndërsa shtoi se Rama vazhdoi me blerjen e votës, patronazhistët, qëndrojnë sot në pushtet në mënyrë të paligjshme.
“I la bashki të gjitha ato që donte dhe sot Gjirokastra me 100 mijë banore ka 4 bashki dhe sot Tirana me më shumë se 1 milion banorë ka 4 bashki, prandaj ai është një rrezik kombëtar. Vazhdoi me blerjen e votës, patronazhistët, terrotin dhe sot qëndron në pushtet në mënyrën më të paligjshme që mund të qëndrojë një njeri. Ne po i ofrojmë qytetarëve alternativa, Oerd Bylykbashi, Ylli Asllani, Ivi Kaso, Besnik Alija, një akademik i shkëlqyer do të paraqesin para shqiptarëve projektin e ri të ndarjes territoriale që ka vetëm një qëllim, rikthimin tek qytetari. Sot personeli i emëruar dhe tërësisht personale vendor”, tha Berisha.
