“Kemi përgatitur një projekt të standarteve ndërkombëtare”
Kryetari i Komisionit për Reformën në Drejtësi, Fatmir Xhafaj, ka deklaruar se projekti kushtetues do të jatë gati për votim që javën që vjen. Mungesën e opozitës në mbledhjen e radhës së Komisionit Xhafaj e ka quajtur absurde dhe që nuk i shërben një proçesi kaq të rëndësishëm.
Ai tha se ka kërkuar nga ekspertët ndërkombëtarë që brenda javës të paraqesin projektin kushtetues, i cili pas shqyrtimeve bëhet i gatshëm për ta votuar në Parlament.
Fatmir Xhafaj deklaroi kështu për mediat:
Nëse opozita ka vullnet real reformën në drejtësi ne jemi të gatshëm ta votojmë atë në një datë të afërt. A mundemi? Sigurisht, se kemi një projekt kushtetues, kemi një opinion final të Venecias dhe tashmë kemi dhe kontributin e jashtëzakonshëm të ekspertëve ndërkombëtarë të atashuar në këtë proçes. Të gjitha këto mundësojnë që të kemi një projekt në standartet ndërkombëtare, të bekuar dhe mbështetur dhe nga opinioni final i Venecias. Sot kemi bërë një hap të madh përpara, kemi dëgjuar dy përfaqësuesit ndërkombëtar, të EURALIUS dhe OBDAT.
Dy zotërinjtë kanë dhënë qëndrimin e tyre lidhur me pyetjet dhe komentete e bëra nga anetarët e Komisionit në mbledhjet e mëparshme rreth projektit kushtetues për çështje të caktuara dhe kanë definuar qëndrimin e tyre për çështjet teknike dhe për të cilat është kërkuar një opinion nga përfaqësuesit e opozitës. U kemi lënë detyrë ekspertëve ndërkombëtarë që brenda kësaj jave të na paraqesin projektin kushtetues që ka vulën, mbështetjen e Venecias dhe ekspertizën më të mirë ndërkombëtare që është pranuar nga ne. Projekti kushtetues do rishihet nga dy misionet që na asistojnë në këtë proçes dhe javën që vjen mund ta kemi të gatshme për ta votuar në Parlament.Nga java e ardhshme është gati projekti kushtetues për tu votuar në Kuvend nëse ka vullnet opozita.
