Unioni i Gjyqtarëve të Shqipërisë përshendeti hyrjen në fuqi të ndryshimeve kushtetuese dhe ftoi forcat politike ta votojnë sa më parë të jetë e mundur, në përputhje me rekomandimet e Komisionit të Venecias si dhe ligjet organike përkatëse.
UNGJ-ja ka theksuar se ka qenë një ndër më të interesuarit në kryerjen e kësaj reforme gjë e cila është vlerësuar maksimalisht nga Komisioni i Venecias dhe Kuvendi i Shqipërisë. Por gjatë kohës së miratimit të kësaj reforme, UNGJ akuzon se është ushtruar një presion i madh ndaj gjyqtarëve të të gjitha shkallëve ku shpeshherë janë fyer e kërcënuar.
Ndaj u bën thirrje të gjithë klasave politike, media dhe shoqërinë civile të mos e përdorë vettingun si mjet presioni ndaj gjyqtarëve dhe prokurorëv, në mënyrë që të vazhdojnë në kryerjen me përkushtim të detyrës së tyre.
