Reali i Zidan shpëton fytyrën vetëm falë një penalltie në sekondat e fundit, të shkaktuar nga askush, veç gjyqtarit. Juventusi i mbylli 90 minutat me shifrat 0-3 brenda në Bernabeu, por Ronaldo nga pika e bardhë gjeti golin që nuk e gjeti gjatë lojës.
Për juventinët shënoi që në fillim Manxukiç në minutën e dytë, ndërsa, po kroati, dyfishoi edhe në minutën e 37-të, duke shtuar shpresat për të gjithë tifozët bardhezinj. Ishte Matuidi, ai që arriti të shënonte edhe të tretin, në të 61-tën, pas një gafe të portierit Navas.
Gjithsesi, teksa ndeshja po shkonte drejt shtesave, një penallti e shkaktuar nga Benatia tek Ronaldo në 30 sekondat e fundit të ndeshjes, u dha nga arbitri anglez Oliver, gjë që shkaktoi protesta tek juventinët. Bufon u ndëshkua me të kuq për protesta. Në portë hyri Shezni, por penalltinë e Ronaldos nuk mundi ta kapte. Reali kualifikohet kështu, mes polemikash dhe sërish si ndodhi vjet me eleminimin e Bajernit po nga Reali, vetëm me ndihmën e gjykimit.
Real Madrid-Juventus 1-3 (3-0)
Gol: Ronaldo pen. 90+8′ / Manxukiç 2′, 37′, Matuidi 61′
https://youtu.be/zjMrqVlwsTA
