Real Madrid, ekipi i parë që fiton dy finale radhazi në Champions League.
Kampionët e Spanjës, triumfuan 4-1 në finalen e Kardifit kundër Juventusit. Dy gola nga portugezi Ronaldo, një nga Casemiro e në fund goli i Asensio-s bënë të pavlefshëm supergolin e Mandzukic në pjesën e parë, duke i dhënë skuadrës së Zidane trofeun.
Ndeshja fillon me ritëm të lartë me Juventus që luan përpara dhe një Real të ndrojtur dhe pak sa të avashtë kur ka topin në këmbë. Pas çerek ore lojë Real merr veten dhe shënon golin e avantazhit.
Megjithatë, Juventus nuk dorëzohet dhe vetëm 7 minuta më vonë, kroati Mandzukic, realizon një kryevepër, ndoshta golin më të bukur të karrierës së tij.
Me nisjen e pjesës së dytë, Reali u fut me një marsh më tepër duke dominuar dhe krijuar raste. Ishte minuta e 61, kur Casemiro e mposhti për herë të dytë Buffon-in. Vetëm 3 minuta më pas, pa e marrë ende vetën nga goli i dytë, Juventusi pësoi edhe golin e tretë dhe të nokautit për ta. Sërish këtë herë ishte Ronaldo, ndërsa në fundin e kohës së rregullt Asensio e vulosi rezultatin në 4-1.
Në fundin e takimit, Juventusi mbeti edhe me një lojtar më pak, pasi Cuadrado u ndëshkua me kartonin e kuq, pas dy të verdhëve.
Finalja e Kardifit shkoi për Realin, por ky fakt mund t’i dhurojë edhe portugezit Ronaldo “Topin e Artë”, por kjo mbetet për t’u parë.
https://youtu.be/aic_NxtQPB4
