Pas kërkesës së Partisë Socialiste për shkarkimin e ti, ka reaguar kryetari i KQZ, Klement Zguri.
Zguri bën me dije se institucioni që ai drejton nuk fsheh asgjë, si kundërpërgjigje ndaj akuzave të socialistëve se ka fshehur dosjen e kryebashkiakut të Mallakastrës, Agron Kapllanaj.
“Në respekt të funksionit zyrtar që mbuloj, unë e kam të ndaluar të përfshihem në beteja, apo lojra politike, ndaj nuk bëhem dot pjesë e debatit. Përgjigja ime mund të jetë vetëm zyrtare dhe vetëm drejtuar organit të emërteses, sapo ai ta kërkojë këtë”, thotë kreu i KQZ-së.
PS kërkon shkarkimin e Klement Zgurit nga detyra e kryetarit të KQZ për shkelje të rëndë të ligjit të dekriminalizimit.
