Festivali i RTSH këtë vit ndryshe nga vitet e tjera u përfol shumë si nga mënyra e organizimit ashtu edhe nga ndarja e çmimeve që u bë.
Për herë të parë ka komentuar edhe këngëtari Aleksandër Gjoka gjatë një interviste të bërë.
Këngëtari tha se mori ftesë për të konkurruar në festival por nuk e pranoi pasi dëshiron ta bëjë kur të ketë një këngë që të “godasë”.
Më pas Gjoka u shpreh se në festival asgjë nuk ishte transparente duke shtuar se është thyer kodi duke vënë në konkurrim një kompozitor maqedonas.
“Unë jam produkt i festivalit dhe kam folur me superlativa. Është një trampolinë për të rinjtë por jam tërhequr dhe më ftojnë por unë kam zgjedhur mos shkoj. Mua më kanë ftuar gjithmonë për të konkurruar. Kam qenë edhe në juri. Mund të godas ndonjë ditë me ndonjë këngë por jo për çmim se s’kam nevojë për atë.
Është thyer kodi. Gazetat kanë folur shumë por disa këngë më pëlqyen. S’kam asgjë me atë kompozitorin maqedonas por unë e di që është rregull që kompozitori duhet të jetë shqiptar. Verën e kemi mike por tek muzika, s’kane lidhje këngët me muzikën ishin palidhje. S’ishte asnjë gjë transparente. Kjo s’më pëlqeu”, u shpreh Gjoka gjatë intervistës.
