Ministrat e Jashtëm të Suedisë dhe Turqisë do të takohen së shpejti, për të diskutuar ratifikimin e anëtarësimit të vonuar të vendit nordik në NATO , njoftoi ministria e jashtme suedeze.
Suedia dhe Finlanda aplikuan për t’u bashkuar me Organizatën e Traktatit të Atlantikut të Veriut në vazhdën e pushtimit rus të Ukrainës . Megjithatë, ndërsa Finlanda iu bashkua Aleancës në prill, hyrja e Suedisë vonohet për shkak të kundërshtimeve të ngritura nga Turqia dhe Hungaria.
Ministri i Jashtëm suedez, Tobias Billstrom i tha televizionit SVT se do të takohet me homologun e tij turk, Mevlut Çavusoglu të enjten, në një takim të ministrave të jashtëm të NATO-s në Oslo.
“Megjithatë, ne jemi informuar se ministri i jashtëm i Turqisë nuk do të vijë, kështu që nuk do të ketë takim atje” tha një zëdhënës i Billstrom, duke shtuar megjithatë se takimi do të zhvillohet së shpejti.
Fërkimet midis Turqisë dhe Suedisë janë të gjata.
Në të kaluarën, Suedia ka kritikuar Turqinë për të drejtat e njeriut, dhe ka vënë në pikëpyetje aderimin e Ankarasë ndaj standardeve demokratike.
Turqia pretendon se Suedia ofron strehim për anëtarët e organizatave që Ankaraja i konsideron terroriste. Turqia thotë gjithashtu se vendi skandinav nuk ka përmbushur kushtet e marrëveshjes së arritur në Madrid qershorin e kaluar, të cilat synonin të qetësonin shqetësimet e sigurisë së Ankarasë.
Bisedimet midis dy vendeve për NATO-n ngecën gjatë zgjedhjeve turke, të cilat presidenti aktual Rexhep Tajip Erdogan i fitoi dje në raundin e dytë.
“Mezi pres që të jem në gjendje të ndërroj marshin dhe të shpejtoj gjërat tani që ne e dimë se cili është rezultati” tha Billstrom.
Ai përsëriti se qeveria suedeze shpreson se vendi mund të bëhet shteti i 32-të anëtar i NATO-s deri në kohën e samitit të Aleancës, i cili do të mbahet në kryeqytetin lituanez Vilnius, më 11-12 korrik.
Ministrat e Jashtëm të Suedisë dhe Turqisë do të takohen së shpejti, për të diskutuar ratifikimin e anëtarësimit të vonuar të vendit nordik në NATO , njoftoi ministria e jashtme suedeze.
Suedia dhe Finlanda aplikuan për t’u bashkuar me Organizatën e Traktatit të Atlantikut të Veriut në vazhdën e pushtimit rus të Ukrainës . Megjithatë, ndërsa Finlanda iu bashkua Aleancës në prill, hyrja e Suedisë vonohet për shkak të kundërshtimeve të ngritura nga Turqia dhe Hungaria.
Ministri i Jashtëm suedez, Tobias Billstrom i tha televizionit SVT se do të takohet me homologun e tij turk, Mevlut Çavusoglu të enjten, në një takim të ministrave të jashtëm të NATO-s në Oslo.
“Megjithatë, ne jemi informuar se ministri i jashtëm i Turqisë nuk do të vijë, kështu që nuk do të ketë takim atje” tha një zëdhënës i Billstrom, duke shtuar megjithatë se takimi do të zhvillohet së shpejti.
Fërkimet midis Turqisë dhe Suedisë janë të gjata.
Në të kaluarën, Suedia ka kritikuar Turqinë për të drejtat e njeriut, dhe ka vënë në pikëpyetje aderimin e Ankarasë ndaj standardeve demokratike.
Turqia pretendon se Suedia ofron strehim për anëtarët e organizatave që Ankaraja i konsideron terroriste. Turqia thotë gjithashtu se vendi skandinav nuk ka përmbushur kushtet e marrëveshjes së arritur në Madrid qershorin e kaluar, të cilat synonin të qetësonin shqetësimet e sigurisë së Ankarasë.
Bisedimet midis dy vendeve për NATO-n ngecën gjatë zgjedhjeve turke, të cilat presidenti aktual Rexhep Tajip Erdogan i fitoi dje në raundin e dytë.
“Mezi pres që të jem në gjendje të ndërroj marshin dhe të shpejtoj gjërat tani që ne e dimë se cili është rezultati” tha Billstrom.
Ai përsëriti se qeveria suedeze shpreson se vendi mund të bëhet shteti i 32-të anëtar i NATO-s deri në kohën e samitit të Aleancës, i cili do të mbahet në kryeqytetin lituanez Vilnius, më 11-12 korrik.
